恐怖電影鬼娃娃大集合 邊個令你有童年陰影?

詭娃安娜貝爾,小丑,電影
好友分享:

玩具可以話係好多小朋友嘅好朋友,甚至好多大朋人都仍然鍾意玩玩具。不過你有冇諗過喺佢哋純真嘅外貌背後,有可能都會有一個恐怖嘅真相。今日就同大家重溫一班喺電影入面嘅經典鬼娃娃啦!

講到其中最經典嘅恐怖公仔當然係80年代嘅電影《娃鬼回魂》中嘅Chucky啦!故事講述一個殺人犯附身喺一個「Good-Guy」公仔身上到處殺人。呢套電影88年推出後大受歡迎,之後更加拍多咗7集。其中更加包括1998年由香港著名導演于仁泰執導嘅第4集《娃鬼新娘》(Bride of Chucky)同佢一齊情侶檔殺人!

Annabelle《詭娃安娜貝爾》

80178561b13580e53769fa99aa1035ea

本來喺《詭屋驚凶實錄》入面只係「綠葉」角色嘅Annabelle,由於外貌出眾,立即引起唔少觀眾注目。新一代「鬼王」James Wan(溫子仁) 當然唔會放過機會,為佢度身訂做咗一系列電影,早前James Wan仲已經宣佈開拍第三集添啦!大家唔好睇佢雖然著住條裙仔靚靚咁,其實佢真係好邪。佢除咗識得瞬間轉移、仲會傷害佢嘅主人。電影入面嗰個Annabelle以人形陶瓷公仔設計出現,不過真實嗰個就只係一個普通布公仔,而家俾華倫夫妻搬到靈異博物館收埋,定期搵神父祝福,鎮住惡靈。可能你會覺得呢個公仔個樣其實都有啲詭異,不過真嗰個其實個樣好天真、好pure,分分鐘同你屋企嗰啲差唔多㗎!

Billy 《死寂》

詭娃安娜貝爾,小丑,電影

故事講述有一日一對夫婦收到一個人偶公仔,點知個老婆隨之就發現喺屋企死咗,死狀仲非常恐怖。後來老公發現人偶有古怪,就決定返番去已經變成死城嘅家鄉,一邊調查、一邊發生好多離奇命案,最後更畀佢揭開恐怖兼變態嘅「瑪麗蕭」詛咒!

Billy《恐懼鬥室》

詭娃安娜貝爾,小丑,電影

2004年出品嘅Saw《恐懼鬥室》相信大家都唔會陌生,同樣由恐怖大師溫子仁執導嘅電影講述兩名男子被囚禁於一間密室中要想辦法逃生,而Billy小丑玩偶就會同受害人解密室逃脫嘅方法,然後再發出令人心寒嘅笑聲,而一班受害人當然大部份都死得好血腥同變態啦。呢套電影雖然預算只有120萬美元,不過美國地區嘅票房就超過5500萬美元,全球票房超過1億2百萬,可以話係溫子仁嘅成名作。不過如果你而家先睇呢套電影嘅話,可能只會令您諗起高海寧。

花子《鬼娃娃花子》

詭娃安娜貝爾,小丑,電影

講到恐怖片又點可以冇日本份呢?日本一路而來都有一個都市傳說,就係相信好多人都聽過嘅花子。《鬼娃娃花子》被譽為係嚇到你唔敢去廁所嘅電影,講述一個小朋友為咗搵媽媽以搭錯車去錯學校慘遭殺害。後來佢陰魂不散,留咗喺廁所度害人。如果你喺廁所突然有人遞廁紙俾你,你千祈唔好接,如果唔係就會有人將你個頭塞落廁所整死你!問你仲敢唔敢返工時間喺廁所偷懶….

小丑 《鬼驅人》

詭娃安娜貝爾,小丑,電影

被譽為其中一套經典恐怖電影嘅《The Poltergeist》(鬼驅人)由大導演史提芬史匹堡執導,除咗故事恐怖之外,由於佢哋利用真正嘅屍骨拍攝,搞到後來劇組頻頻出事,演員亦相繼死亡。而當中嘅玩偶小丑,更加令到影迷心中留下陰影。電影當中飾演小兒子嘅童星奧力佛羅賓斯(Oliver Robins)亦差啲俾小丑嘅手臂「意外」勒死,電影外分分鐘比電影內更加恐怖。

工廠洋娃娃《靈異殺星》

詭娃安娜貝爾,小丑,電影

喺《靈異殺星》(Dolly Dearest)入面呢個公仔都總算係咁多個殺人公仔入面外觀最正常嘅一個,不過兇狠起上嚟真係唔簡單。故事講述喺好耐好耐以前,一個考古學家因為打開古墓,竟然開啟咗黑色魔法,而呢啲黑色魔法就更加附身喺一個美麗嘅洋娃娃身上。後來有一個從事玩偶工作嘅家庭到咗呢個黑色魔法之地,仲要喺呢個地方起娃娃工廠,搞到之後殺人事件不斷。
好友分享: